ފެންޑާ ފަރުމާކުރާއިރު، އެތަނުގެ ބޭނުމާމެދު ވިސްނާލަން ޖެހެއެވެ. އެތަނުގައި ކުރަނީ ކޮން ކަންތައްތަކެއްތޯ ބަލާލަން ޖެހެއެވެ. ދިވެހި ބަހުގެ ރަދީފުގައި ފެންޑާގެ ދެ މާނައެއް ވެއެވެ. ފުރަތަމަ މާނައިގައިވަނީ، ފެންޑާއަކީ، ދިވެހިންގެ ގެދޮރުގައި މައިގޭގެ ދޮރޯއްޓާވީ ފަރާތަށް އިތުރުކުރާ ބައި ކަމަށެވެ. އެހެންވީމާ، މައިގޭގެ ދޮރޯށި ޙިމާޔަތްކުރުމުގެ ބޭނުން ފެންޑާގައި އެބައޮތެވެ. ދެވަނަ މާނައިގައިވަނީ، ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި ކަމަށާއި މިބައި ހުންނާނީ މައިގެޔަށްވުރެ ތިރިކޮށް، ބަންދު ނުކުރެވޭ ގޮތަށް ކަމަށެވެ. މިމާނައާމެދު ވިސްނާލާއިރު، ފެންޑާއަކީ، ޙިމާޔަތްކުރުމުގެ އިތުރުން، ހިޔަލެއް ކަން ވެސް އެނގެއެވެ

ޢަބްދުލްމުޢީދު ޙަސަން